શુક્રવારે આરબીઆઈ ગવર્નરે આઠમી વખત રેપો રેટ યથાવત રાખ્યો છે. જેની અસર શેરબજાર પર દેખાઈ રહી છે. ટ્રેડિંગ સપ્તાહના અંતિમ દિવસે બીએસઇના સેન્સેક્સમાં તેજી જોવા મળી રહી છે. તે જ સમયે, આરબીઆઈના નિર્ણય પછી, સેન્સેક્સમાં વધારાને કારણે શેર બજાર એક નવો રેકોર્ડ બનાવવાની નજીક છે.
આરબીઆઇના આ નિર્ણય બાદ શેરબજારમાં તોફાની તેજી જોવા મળી રહી છે, બીએસઇ સેન્સેક્સ નવા રેકોર્ડ બનાવવાની નજીક કારોબાર કરી રહ્યો છે. સેન્સેક્સમાં 1300 અંકોથી વધુની તેજી જોવાને મળી રહી છે. તે જ સમયે, નિફ્ટીએ 180 પોઇન્ટથી વધુની છલાંગ લગાવી છે. જેના કારણે નિફ્ટી 23000 પોઇન્ટને પાર કરી ગઇ છે. જ્યારે સેન્સેક્સ 11.58 મિનિટ પર 76387.80 પર કારોબાર કરી રહ્યો છે. આરબીઆઇના આ નિર્ણય બાદ સેન્સેક્સમાં વધારાને કારણે શેરબજાર નવો રેકોર્ડ બનાવવાની નજીક પહોંચી ગયું છે. સેન્સેક્સનો ઓલટાઇમ હાઇ હાલ 76,536.29 છે. વાસ્તવમાં આરબીઆઈએ પોતાની એમપીસીની બેઠકમાં મોંઘવારી ઘટાડવા પર ફોકસ જાળવી રાખ્યું છે. જેના કારણે આરબીઆઈએ આઠમી વખત રેપો રેટમાં વધારો ન કરવાનો નિર્ણય લીધો છે, જેની અસર શેર બજાર પર દેખાવા લાગી છે.
ભલે આરબીઆઈએ રેપો રેટમાં સતત 8મી વખત કોઈ ફેરફાર ન કરવાનો નિર્ણય લીધો હોય, પરંતુ નાણાકીય વર્ષ 2025 માટે જીડીપી વૃદ્ધિ દર વધારીને 7.2 ટકા કરવામાં આવ્યો છે. આ પહેલા નાણાકીય વર્ષ 2025 માટે આરબીઆઈએ જીડીપી ગ્રોથ રેટ 7 ટકા રહેવાનું અનુમાન લગાવ્યું હતું. જાણકારોના જણાવ્યા પ્રમાણે આરબીઆઇના આ નિર્ણયને કારણે શેરબજારમાં આગામી દિવસોમાં વધુ ગ્રોથ જોવા મળી શકે છે.
શેરબજારે વેગ પકડ્યો
આરબીઆઈ એમપીસીના નિર્ણય બાદ શેર બજારે જોર પકડ્યું છે. બૉમ્બે સ્ટૉક એક્સચેન્જના પ્રમુખ ઈન્ડેક્સ સેન્સેક્સ બપોરે 12 વાગ્યે 1300 અંકોના વધારાની સાથે 76387.80 અંક પર કારોબાર કરી રહ્યા છે. આમ જોવા જઈએ તો શુક્રવારે બજાર લગભગ 100 પોઈન્ટના ઘટાડા સાથે ખુલ્યું હતું. તો બીજી તરફ નેશનલ સ્ટોક એક્સચેન્જના પ્રમુખ ઈન્ડેક્સ નિફ્ટી પણ 183.45 અંકથી વધુના વધારા સાથે કારોબાર કરતા જોવા મળ્યા. ટ્રેડિંગ સેશન દરમિયાન નિફ્ટી 23,004.85 પોઇન્ટની ઊંચી સપાટીએ પહોંચ્યો હતો.
કયા શેરોમાં વધારો
જો બુલિશ શેરોની વાત કરીએ તો વિપ્રોના શેરમાં લગભગ 4 ટકાનો વધારો જોવા મળી રહ્યો છે. એલટીઆઈએમનો શેર 2 ટકાથી વધુના વધારા સાથે કારોબાર કરી રહ્યો છે. ટેક મહિન્દ્રાનો આ શેર પણ 2 ટકાથી વધુના વધારા સાથે કારોબાર કરી રહ્યો છે. ઓએનજીસી અને અદાણી પોર્ટ અને સેઝના શેરમાં દોઢ ટકાથી વધુનો વધારો જોવા મળી રહ્યો છે. બીએસઈ પર ઈન્ફોસિસ, રિલાયન્સ અને ટીસીએસના શેર પણ લીલા નિશાન પર છે.
આ સ્ટૉક્સમાં ઘટાડો
એનએસઈ પર એસબીઆઈ લાઈફ, આઈશર મોટર્સ, ઈન્ડસઈન્ડ બેન્ક, એલએન્ડટી અને હિંદુસ્તાન લીવરના શેરમાં એક ટકાથી પણ ઓછો ઘટાડો જોવાને મળી રહ્યો છે. બીએસઈના પર કોટક મહિન્દ્રા બેન્ક, પાવર ગ્રિડ, આઈટીસી, ભારતી એરટેલ અને એસબીઆઈના શેરમાં મામૂલી ઘટાડો જોવાને મળી રહ્યો છે. જાણકારોના મતે શેરબજારમાં સતત ત્રીજા દિવસે તેજીનો માહોલ છે. 4 જૂને તમામ શેરોમાં મોટો ઘટાડો જોવા મળ્યો હતો. ત્યાર બાદ બે દિવસમાં ઘણી મોટી કંપનીઓના શેર રિકવરી મોડમાં દેખાયા છે.
Author: Sanatan News Gujarat
કલમ ધારદાર, ખબર ની આર પાર
